50-år - heile historia

Det startar, som mange gode soger i Hardanger, i ein kjellar. 

I 1976 bestemmer røyrleggjar Kåre Neteland seg for at no er tida inne. Etter meir enn 20 år i faget – fyrst som mekanikar, så som røyrleggjar og arbeidsformann – tek han steget ut og startar eiga verksemd. Med lager i kjellaren, verktøy i garasjen og kontor i stova der kona Inger styrer papira, legg han grunnlaget for det som skal verte 50 år med vekst, samarbeid og industriutvikling. Sonen Arve hadde heile tida vore ein stor pådrivar for at Kåre skulle starta eige verksemd og vart raskt ein del av drifta og ein viktig støttespelar for faren.